भानुप्रतापपुर ले बड़े पर्दा तक : तिलांजलि गोस्वामी बनत हवय छत्तीसगढ़ी सिनेमा के नया चमकता सितारा
“मोला लव होंगे” ले करही धमाकेदार डेब्यू, संघर्ष अउ मेहनत ले लिखत हवय अपन नई पहचान
जिला संवाददाता ताम्रध्वज साहू
जांजगीर-चांपा/भानुप्रतापपुर। छत्तीसगढ़ी फिल्म इंडस्ट्री ला एक नई, प्रतिभाशाली अउ संघर्षशील अभिनेत्री मिलगे हवय। बस्तर संभाग के भानुप्रतापपुर म जनमे वाली युवा कलाकार तिलांजलि गोस्वामी अब बड़े पर्दा म अपन दमदार शुरुआत करे बर तैयार हवंय। 8 तारीख ले प्रदर्शित होवत फिल्म “मोला लव होंगे” म मुख्य अभिनेत्री के रूप म नजर आही, जिहां ले वो ह अपन अभिनय सफर के नई अध्याय सुरू करत हवंय। तिलांजलि गोस्वामी के जन्म 26 अप्रैल 2005 ला भानुप्रतापपुर म होय रहिस। माता श्रीमती प्रेमलता गोस्वामी अउ पिता स्वर्गीय सतीश पुरी गोस्वामी हवंय। साधारण परिवार ले निकले ये बेटी ह आज अपन मेहनत, लगन अउ परिवार के सपोर्ट ले छत्तीसगढ़ी सिनेमा म नई पहचान बना रहिस।पढ़ई के समय लेच तिलांजलि ला गायन अउ नृत्य म खास रुचि रहिस। वो ह बताइन कि बचपन म कलेक्टर बने के सपना देखत रहिन, फेर किस्मत अउ कला के प्रति लगाव ह ओला अभिनय दुनिया तक ले आइस। अभी वो ह फाइनल ईयर के पढ़ई करत हवंय। तिलांजलि अब तक 20 ले ज्यादा एल्बम म काम कर चुकी हवंय। ओकर कई गाना सोशल मीडिया म ट्रेंड करत हवय, जेमे प्रमुख रूप ले —निंदिया आराम से नई कहव आई लव यू काजल काजल मेरी गघरी को मत छुओ जइसने गीत शामिल हवंय। फिल्म “मोला लव होंगे” प्रशंसा फिल्म के बैनर तले बनत हवय, जेमे तिलांजलि मुख्य अभिनेत्री के रूप म नजर आही। वो ह बताइन कि ये फिल्म सिरिफ फिल्म नो हे, बल्कि ओकर जिंदगी के सबसे बड़े सपना के पूरा होय के पल आय। वो ह कहिन- तिलांजलि 2023 म मिस कांकेर के खिताब घलो जीत चुकी हवंय। घर के बड़ी बेटी होय के नाते पिता के निधन के बाद परिवार के जिम्मेदारी म अपन माई संग हाथ बंटावत हवंय। अभिनय क्षेत्र म आगे बढ़े बर वो ह डांस क्लास अउ थिएटर ज्वाइन करिन, जेन ले ओला काफी अनुभव अउ आत्मविश्वास मिलिस। 2025 म रायपुर शिफ्ट होय के बाद तिलांजलि ला लगातार काम मिलना सुरू होइस अउ आज वो ह बड़े पर्दा तक पहुंच गई हवंय। मजबूत इरादा अउ मेहनत के बदौलत वो ह युवा कलाकार मन बर प्रेरणा बनत हवंय। तिलांजलि गोस्वामी ह छत्तीसगढ़ वासीयन ले अपील करिन कि वो मन “मोला लव होंगे” फिल्म ला जरूर देखें अउ अपन प्यार अउ आशीर्वाद देवयं, ताकि वो आगे अउ नई-नई फिल्मों म काम करके छत्तीसगढ़ी सिनेमा ला नई ऊंचाई तक ले जा सकंय। संघर्ष ले बड़े पर्दा तक पहुंचे ये बेटी ह निश्चित रूप ले आने वाले समय म छत्तीसगढ़ी फिल्म इंडस्ट्री के मजबूत पहचान बन सकत हवय।
